काठमाडौं, १७ असोज । नेपालमा लगातार दोस्रो दिन दुई हजारभन्दा बढीमा कोरोना संक्रमण देखिएको छ । पछिल्लो २४ घण्टामा २ हजार १२० जना कोरोना संक्रमित थपिएका छन् । योसँगै नेपालमा कुल संक्रमितको संख्या ८४ हजार ५७० पुगेको छ ।
स्वास्थ्य तथा जनसंख्या मन्त्रालयको शनिबार आयोजित नियमित पत्रकार सम्मेलनमा प्रवक्ता डा. जागेश्वर गौतमले दिएको जानकारीका अनुसार पछिल्लो २४ घण्टामा थप २ हजार ४४ जना संक्रमित निको भएर घर फर्किएका छन् । अहिलेसम्म निको हुनेको संख्या ६२ हजार ७४० पुगेको छ ।
शनिबारसम्म ४ हजार २७३ जना क्वारेन्टाइनमा रहेका छन् भने २१ हजार ३०२ जना आइसोलेसनमा रहेका छन् ।
पछिल्लो २४ घण्टामा १२ हजार ९७८ नमूनाको पिसीआर विधिबाट परीक्षण भएको छ भने आजसम्म कुल १० लाख ६१ हजार ६६४ नमूनाको पिसीआर परीक्षण सम्पन्न भएको छ ।
थप ८ जनाको कोरोनाका कारण ज्यान गएसँगै हालसम्म कोरोनाका कारण ज्यान गुमाउनेको संख्या ५२८ पुगेको मन्त्रालयले जनाएको छ ।
The post शनिबार पनि दुई हजारभन्दा बढी कोरोना संक्रमित थपिए, निको हुनेको संख्या पनि उल्लेख्य appeared first on Sajha Post.
