काठमाडौं । हृदयघातपछि पनि मुटु पहिलेजस्तै स्वस्थ हुन सक्ने नयाँ तथ्य फेला परेका छन् । अमेरिकाको क्यालिफोर्निया विश्वविद्यालयमा गरिएको अनुसन्धनमा हार्ट एट्याकपछि मृत्यु भएका कोशिकालाई हार्मोनको माध्यमबाट जीवित बनाउन सकिने तथ्य पत्ता लागेको हो ।
अनुसन्धानकर्ताले यो एकदमै प्राकृतिक हुने पनि बताएका छन् । यस्तो उपचार जीन थेरापी माध्यमबाट गर्न सकिन्छ । मुसामा गरिएको परीक्षण सफल भएको र मानिसमा प्रयोग गर्न बाँकी रहेको अनुसन्धानकर्ताले बताएका छन् ।
यदि यो परीक्षण मानिसमा पनि सफल भयो भने हृदयघात भएकाको लामो जीवन सम्भव हुनेछ । हृदयघात एक गम्भीर रोग हो । संसारमा हुने कुल मृत्युको एक चौथाई हृदयघातबाट हुने गरेको छ ।