काठमाडौं, ३० भदाै । नेपालमा पछिल्लो २४ घण्टामा थप १ हजार ७६० जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १२ हजार ५२४ पीसीआर परीक्षणमा १ हजार ३३२ जना र ४ हजार ३२० एन्टिजेन परीक्षणमा ४२८ जना गरी जम्मा १ हजार ७६० जनामा संक्रमण पुष्टि भएको हो ।
यस्तै सो अवधिमा काठमाडौं उपत्यकामा ४९५ जना संक्रमित थपिएका छन् । जसमध्ये काठमाडौंमा ३६०, ललितपुरमा ७२ र भक्तपुरमा ६३ जनामा संक्रमण पुष्टि भएको मन्त्रालयले जनाएको छ ।
मन्त्रालयका अनुसार पछिल्लो २४ घण्टामा १ हजार २२० जना संक्रमणमुक्त भएका छन् भने ७ जनाको मृत्यु भएको छ ।
The post कोरोना अपडेट : थप १ हजार ७६० जनामा संक्रमण पुष्टि, ७ जनाको मृत्यु appeared first on Sajha Post.