एजेन्सी । बदाम आफैँमा धेरै पोषकतत्वयुक्त खानेकुरा हो । समयसमयमा बदाम खाइरहने गर्नुपर्छ । अझ यसलाई भिजाएर खाने गर्दा स्वास्थ्यलाई झनै बढी लाभ हुन्छ । बदामलाई भिजाउँदा यसका सबै पोषकतत्व हाम्रो शरीरले राम्रोसँग लिन सक्ने भएकाले यसलाई भिजाएर खानु धेरै फाइदाजनक मानिएको छ ।
बदामका फाइदाहरु धेरै छन् तर यसलाई भिजाएर पानीसहित खाने गर्यो भने यसका सबै पोषकतत्व शरीरले पूर्ण रुपमा सोस्न सक्छ ।
१. भिजाएको बदामले कोलेस्ट्रोललाई नियन्त्रण गर्न सक्ने भएकाले यसले हृदय सम्बन्धी समस्याबाट बचाउँछ ।
२. यसमा पाइने क्याल्सियम र प्रोटीनले हाम्रो शरीरलाई बलियो बनाउन मद्दत गर्छ ।
३. यसले रगतमा सुगर लेभल नियन्त्रण गर्ने हुनाले मधुमेह जस्तो रोगबाट बचाउँछ ।
४. यसमा पाइने फाइबरले पाचन प्रणालीलाई सहज बनाइदिन्छ । त्यसकारण यसरी दैनिक बदाम खाने गर्दा पेटको समस्याबाट टाढा रहन सकिन्छ ।
५. यसमा ओमेगा ६ फ्याटी एसिड पाइन्छ । त्यसकारण यसले छालाको रङ सपार्न मद्दत गर्छ र छालालाई चम्किलो बनाइ राख्छ ।
६. यसमा एन्टिइन्फ्लामेटरी गुण हुने भएकाले जोर्नीको दुखाईबाट पनि बचाउँछ ।
७. यसमा भिटामिन बी ६ हुने भएकाले दिमागको शक्ति बढाउँछ ।
The post बदामलाई पानीमा भिजाएर खाँदा फाइदैफाइदा appeared first on Sajha Post.