काठमाडौं, १३ साउन । काठमाडौंको कलंकीमा एक युवतीलार्इ जबरजस्ती करणी गरेको आरोपमा सशस्त्र प्रहरीका दुई जवान पक्राउ परेका छन् । पीडितले महानगरीय प्रहरी वृत्त, कालिमाटीको महिला सेलमा दिएको जाहेरीको आधारमा प्रेमी रामशरण पोखरेल र उनका साथी चन्द्र प्रसाईं पक्राउ परेका हुन् । उनीहरु दुबै सशस्त्र प्रहरी बल, बलम्बुमा कार्यरत थिए ।
घटनाको अनुसन्धान भइरहेको र दुवैमाथि जबरजस्ती करणी र जबरजस्ती करणी प्रयाससम्बन्धी मुद्दा चलाइने कालिमाटीका डिएसपी प्रदीप क्षेत्रीले बताए । युवतीले प्रहरीसमक्ष जाहेरी दिएको आधारमा दुवै पक्राउ परेका हुन् । प्रहरीले उनीहरुको कोठाबाट केही मदिराको बोतलसमेत बरामद गरेको छ । पक्राउ परेपछि पोखरेलले आफूले युवतीसँग सम्बन्ध राखेको स्वीकार गरेका छन् ।
The post कलंकीमा एक युवतीलार्इ जबरजस्ती करणी गर्ने सशस्त्र प्रहरीका दुई जवान पक्राउ, प्रेमीले नै गरे यस्तो appeared first on Sajha Post.