काठमाडौं, २५ फागुन । नेपाली कांग्रेसका केन्द्रीय सदस्य नवीन्द्रराज जोशीलाई फेरि कोमामा लगेर राखिएको छ । मस्तिष्कघात भएपछि अस्पताल भर्ना गरिएका उनको स्वास्थ्य अवस्था बिग्रिएपछि फेरि कोमामा लगेर राखिएको हो ।
उनलाई भेन्टिलेटरको सहयोगमा उपचार भइरहेको उपचारमा संलग्न डाक्टरहरुले बताएका छन् । ५७ वर्षका जोशीलाई फागुन १३ गते मस्तिष्कघात भएको थियो । अहिले उनको थापाथलीस्थित नर्भिक अस्पतालमा उपचार भैरहेको छ । जोशीको स्वास्थ्य अवस्था गत शनिबारदेखि बिग्रेको हो ।
जोशीको स्वास्थ्य अवस्था बीचमा अलिकति राम्रो पनि देखिएको तर शनिबारदेखि फेरि भेन्टिलेटरको सपोर्टमा राख्नुपरेको डाक्टरले बताएका छन् । जोशीको डाक्टर राजिव झा नेतृत्वको चिकित्सक टोलीले उपचार गरिरहेको छ।
The post पूर्वमन्त्री नवीन्द्रराज जोशीको स्वास्थ्य अवस्था बिग्रियो, फेरि कोमामा राखियो appeared first on Sajha Post.