काठमाडौं, ९ मंसिर । नेपालमा पछिल्लो २४ घण्टामा २४ जना कोरोना संक्रमितको मृत्यु भएको छ । स्वास्थ्य तथा जनसंख्या मन्त्रालयले मंगलबार दिएको जानकारी अनुसार २४ घण्टाको अवधीमा २४ जना संक्रमितको मृत्यु छ ।
यससँगै नेपालमा कोरोना संक्रमणका कारण मृत्यु हुनेको संख्या १ हजार ३६१ पुगेको छ ।
मंगलबार थप १ हजार ७९० जनामा कोरोना संक्रमण पुष्टि भएसँगे हालसम्म नेपालमा कोरोना संक्रमितको संख्या २ लाख २४ हजार ७९ पुगेको छ । सक्रिय संक्रमितको संख्या १७ हजार ८५९ रहेको छ ।
आज २ हजार ७९१ संक्रमित निको भएसँगै निको हुनेको संख्या २ लाख ४ हजार ९५८ पुगेको मन्त्रालयले जनाएको छ ।
The post पछिल्लो २४ घण्टामा २४ कोरोना संक्रमितको मृत्यु, १ हजार ७९० जनामा संक्रमण appeared first on Sajha Post.