काठमाडौं, १४ साउन । नेपालमा पछिल्लो २४ घण्टामा २१० जना कोरोना संक्रमित थपिएका छन् । यो सँगै नेपालमा कुल संक्रमितको संख्या १९ हजार २७३ पुगेको छ ।
स्वास्थ्य तथा जनसंख्या मन्त्रालयको बुधबार आयोजित नियमित पत्रकार सम्मेलनमा प्रवक्ता डा. जागेश्वर गौतमले दिएको जानकारीका अनुसार पछिल्लो २४ घण्टामा थप १४६ जना संक्रमित निको भएर घर फर्किएका छन् । अहिलेसम्म डिस्चार्ज हुनेको संख्या १४ हजार २१ पुगेको छ ।
बुधबारसम्म १४ हजार ३३१ जना क्वारेन्टाइनमा रहेका छन् भने ५ हजार २०३ जना आइसोलेसनमा रहेका छन् ।
पछिल्लो २४ घण्टामा ६ हजार ३७ नमूनाको पिसीआर विधिबाट परीक्षण भएको छ भने आजसम्म कुल ३ लाख ५८ हजार ३४४ नमूनाको पिसिआर परीक्षण सम्पन्न भएको छ ।
हालसम्म कोरोनाका कारण ज्यान गुमाउनेकाे संख्या ४९ रहेको छ ।
The post बुधबार थपिए २१० जना कोरोना संक्रमित, कुल संक्रमितको संख्या १९२७३ appeared first on Sajha Post.