नयाँ लुगा लगाउँदा यस्तो कुरामा ध्यान दिनुहोस्

एजेन्सी, १८ मंसिर । केही समयअगाडि गरिएको अनुसन्धानबाट लुगा बनाउने क्रममा प्रयोग गरिएका रसायनबाट शरीरका लागि हानीकारक विषादि निस्कने र त्यसले शरीरमा विभिन्न खालका चर्मरोग निम्त्याउने गरेको पाइएको छ ।

स्टोकहोम युनिवर्सिटीद्वारा गरिएको अनुसन्धानले नयाँ कपडा तयार गर्दा प्रयोग गरिने केमिकल्सले शरीरका लागि हानीकारक विषाक्त तत्व जम्मा गर्ने गरेको देखाएको छ । सो अनुसन्धानले कतिपय त्यस्ता विषाक्त तत्वहरु कपडा धुँदा समेत नजाने उल्लेख गरेका छन् ।

अनुसन्धानकर्ताहरुले भनेका छन् कि जैविक कटनबाट बनेका कपडामा पनि विषादीयुक्त हुने ग्यारेन्टी हुँदैन । अनुसन्धानकर्ताहरुले स्वीडिश तथा अन्तराष्ट्र्रिय क्लाथिङ चैनबाट लिइएको ६० वटा कपडाको नमूना परीक्षण पछि यो निस्कर्ष निकालेका हुन् ।

The post नयाँ लुगा लगाउँदा यस्तो कुरामा ध्यान दिनुहोस् appeared first on Sajha Post.