भक्तपुर, १६ माघ। भक्तपुरमा एक पुरुषलाई प्रहरीले पक्राउ गरेको छ । अरु केही नभएर आफ्नै पत्नीलाई यौनसम्पर्क गरेको अभियोगमा उनी पक्राउ परेका हुन् ।
पत्नीलाई उनको इच्छाविपरीत जबर्जस्ती बलात्कार गरेको अभियोगमा मध्यपुर थिमिबाट ती पुरुष पक्राउ परेका हुन् । ३७ वर्षीय पत्नीले जबर्जस्ती बलात्कार गरेको जाहेरी दिएपछि मध्यपुरथिमि नगरपालिका–९ बोडे गाँकु बस्ने ४१ वर्षीय रञ्जन खड्कालाई महानगरीय प्रहरी वृत्त थिमिले पक्राउ गरी अनुसन्धान थालेको जनाएको छ ।
खड्काले यही माघ ४ गते पत्नीलाई जबर्जस्ती बलात्कार गरेको भन्दै श्रीमतीले माघ ६ गते प्रहरीमा जाहेरी दिएपछि सोही दिन प्रसूति गृह काठमाडौं, थापाथलीमा महिलाको स्वास्थ्य परीक्षण गरी खड्कालाई पक्राउ गरेको प्रहरीले जनाएको छ ।
The post पत्नीलाई यौनसम्पर्क गर्दा पति पक्राउ appeared first on Sajha Post.