काठमाडौं, ८ असोज । नेपालमा पछिल्लो २४ घण्टामा एक हजार ४ सय ७६ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयले शुक्रबार दिएको जानकारी अनुसार १५ हजार ६९० जनामा कोरोना परीक्षण गर्दा सो संख्याका थप संक्रमित पुष्टि भएको हो ।
पिसिआर विधिबाट १० हजार ५ सय ७५ जना र एन्टिजेनबाट ५११५ जनाको परीक्षण गरिएको मन्त्रालयले जनाएको छ ।
त्यस्तै, सो अवधिमा थप एक हजार ५५० कोरोना संक्रमित संक्रमणमुक्त भएका छन् । हाल नेपालमा २० हजार २८७ सक्रिय संक्रमित रहेको मन्त्रालयले जनाएको छ ।
कोरोना संक्रमणकै कारण पछिल्लो २४ घण्टाको अवधिमा ९ जनाको मृत्यु भएसँगै नेपालमा मृतकको संख्या ११ हजार ८१ पुगेको छ ।
काठमाडौं उपत्यकामा थप ३६४ जनामा कोरोना भाइरस संक्रमइ पुष्टि भएको छ । संक्रमितमध्ये काठमाडौंका २५६ , ललितपुरका ७३ र भक्तपुरमा ३५ जना रहेका छन् ।
The post एक हजार ४ सय ७६ जनामा कोरोना संक्रमण पुष्टि appeared first on Sajha Post.