काठमाडौं, २५ असार । नेपालमा पछिल्लो २४ घण्टामा २ हजार २३९ जनामा कोरोनाभाइरस संक्रमित थपिएका छन् । ११ हजार ३१३ जनाको परीक्षण गर्दा पीसीआर विधिबाट १४७९ जना र एन्टिजेन विधिबाट ७६० जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयले शुक्रबार दिएको जानकारी अनुसार पछिल्लो २४ घण्टामा थप १३१६ जना संक्रमणमुक्त भएसँगै संक्रमणमुक्त हुनेको संख्या ६ लाख १६ हजार ९२९ पुगेको छ । नेपालमा निको हुने दर ९४.५ प्रतिशत रहेको मन्त्रालयले जनाएको छ ।
यस्तै सो अवधिमा कोभिड–१९ बाट थप २० जनाको मृत्यु भएको छ । यो सँगै नेपालमा हालसम्म ९ हजार ३४० जनाको मृत्यु भइसकेको छ ।
शुक्रबारसम्म नेपालमा २३ हजार ९२० जना होम आइसोलेसनमा, २ हजार ६ ७० जना संस्थागत आइसोलेसनमा, ५३९ जना आईसीयूमा र १६६ जना भेन्टिलेटरमा रहेको मन्त्रालयले जनाएको छ ।
The post शुक्रबार थपिए २२३९ जना कोरोना संक्रमित, मृतकको संख्या ९ हजार ३४० पुग्यो appeared first on Sajha Post.
