काठमाडौं, १७ कात्तिक । काठमाडौं उपत्यकामा पछिल्लो २४ घण्टामा १६३० जना कोरोना संक्रमित थपिएका छन् । स्वास्थ्य मन्त्रालयले सोमबार दिएको जानकारी अनुसार ७०२ महिला र ९२८ पुरुष गरी १ हजार ६३० जनामा संक्रमण पुष्टि भएको हो ।
मन्त्रालयका अनुसार पछिल्लो २४ घण्टामा काठमाडौंमा १३२९ जनामा कोरोना संक्रमण देखिएको छ । त्यसैगरी भक्तपुरमा १०८ र ललितपुरमा १९३ जनामा संक्रमण पुष्टि भएको छ ।
नेपालभर भने पछिल्लो २४ घण्टामा कुल २९३३ जना कोरोना संक्रमित थपिएका छन् । योसँगै कुल संक्रमितको संख्या १ लाख ७६ हजार ५ सय पुगेको छ ।
The post काठमाडौं उपत्यकामा थपिए कोरोना संक्रमित appeared first on Sajha Post.