काठमाडौं, ११ कात्तिक । नेपालमा पछिल्लो २४ घण्टामा ५७० जना कोरोना संक्रमित थपिएका छन् । योसँगै नेपालमा कुल संक्रमितको संख्या १ लाख ६० हजार ४०० पुगेको छ ।
स्वास्थ्य तथा जनसंख्या मन्त्रालयले मङ्गलबार दिएको जानकारी अनुसार पछिल्लो २४ घण्टामा थप ३ हजार १६८ जना संक्रमित निको भएर घर फर्किएका छन् । अहिलेसम्म निको हुनेको संख्या १ लाख १८ हजार ८४३ पुगेको छ ।
मङ्गलबारसम्म २ हजार ९३२ जना क्वारेन्टाइनमा रहेका छन् भने ४० हजार ६८१ जना आइसोलेसनमा रहेका छन् ।
पछिल्लो २४ घण्टामा २ हजार ५१५ नमूनाको पिसीआर विधिबाट परीक्षण भएको छ भने आजसम्म कुल १४ लाख ६९४ नमूनाको पिसीआर परीक्षण सम्पन्न भएको छ ।
थप १४ जनाको कोरोनाका कारण ज्यान गएसँगै हालसम्म कोरोनाका कारण ज्यान गुमाउनेको संख्या ८७६ पुगेको मन्त्रालयले जनाएको छ ।
The post साढे दुई हजार जनाको परीक्षण गर्दा ५७० जनामा कोरोना संक्रमण appeared first on Sajha Post.
