रुपन्देही, ८ असोज । बुटवलको कोरोना विशेष अस्पतालमा बिहीबार थप एक कोरोना संक्रमितको मृत्यु भएको छ ।
कपिलवस्तुको वाणगङ्गा-११ बनगाईकी ७० वर्षीया महिलाको बिहीबार साँझ मृत्यु भएको अस्पतालका फोकल पर्सन डा. सुदर्शन थापाले जानकारी दिए ।
अस्पतालका अनुसार मृतक महिलामा दम, मिर्गौला र रगतमा खराबी थियो । असोज ३ गते अस्पताल आएकी ती महिलाको पिसिआर रिपोर्ट कोरोना पोजेटिभ आएपछि कोरोना विशेष अस्पतालमा भर्ना गरी राखिएको थियो।
स्थिति जटिल बनेपछि बिहीबार बिहान भेन्टिलेटरमा सारिएकोमा साँझ साढे ५ बजे मृत्यु भएको हो ।
आजै बिहान कपिलवस्तु र नवलपरासीका दुई जना कोरोना संक्रमितको बुटवलमा मृत्यु भएको थियो ।
The post कपिलवस्तुकी कोरोना संक्रमितको बुटवलमा मृत्यु appeared first on Sajha Post.