काठमाडौं, ११ भदौ । नेपालमा पछिल्लो २४ घण्टामा १ हजार १११ जना कोरोना संक्रमित थपिएका छन् । योसँगै नेपालमा कुल संक्रमितको संख्या ३५ हजार ५२९ पुगेको छ ।
स्वास्थ्य तथा जनसंख्या मन्त्रालयको बिहीबार आयोजित नियमित पत्रकार सम्मेलनमा प्रवक्ता डा. जागेश्वर गौतमले दिएको जानकारीका अनुसार पछिल्लो २४ घण्टामा थप ५६९ जना संक्रमित निको भएर घर फर्किएका छन् । अहिलेसम्म डिस्चार्ज हुनेको संख्या २० हजार ७३ पुगेको छ ।
बिहीबारसम्म ९ हजार ४८८ जना क्वारेन्टाइनमा रहेका छन् भने १५ हजार २७३ जना आइसोलेसनमा रहेका छन् ।
पछिल्लो २४ घण्टामा १२ हजार ६२९ नमूनाको पिसीआर विधिबाट परीक्षण भएको छ भने आजसम्म कुल ६ लाख ४७ हजार ८८१ नमूनाको पिसीआर परीक्षण सम्पन्न भएको छ ।
थप ८ जनाको कोरोनाका कारण ज्यान गएसँगै हालसम्म कोरोनाका कारण ज्यान गुमाउनेकाे संख्या १८३ पुगेको मन्त्रालयले जनाएको छ ।
The post बिहीबार थपिए ११११ जना कोरोना संक्रमित, कुल संक्रमितको संख्या ३५ हजार नाघ्यो appeared first on Sajha Post.
