काठमाडौं, २९ साउन । नेपालमा पछिल्लो २४ घण्टामा ५२५ जना कोरोना संक्रमित थपिएका छन् । योसँगै नेपालमा कुल संक्रमितको संख्या २४ हजार ९५७ पुगेको छ ।
स्वास्थ्य तथा जनसंख्या मन्त्रालयको बिहीबार आयोजित नियमित पत्रकार सम्मेलनमा प्रवक्ता डा. जागेश्वर गौतमले दिएको जानकारीका अनुसार पछिल्लो २४ घण्टामा थप १०९ जना संक्रमित निको भएर घर फर्किएका छन् । अहिलेसम्म डिस्चार्ज हुनेको संख्या १६ हजार ८३७ पुगेको छ ।
बिहीबारसम्म १४ हजार ७६९ जना क्वारेन्टाइनमा रहेका छन् भने ८ हजार २५ जना आइसोलेसनमा रहेका छन् ।
पछिल्लो २४ घण्टामा ९ हजार ८५९ नमूनाको पिसीआर विधिबाट परीक्षण भएको छ भने आजसम्म कुल ४ लाख ८३ हजार २८ नमूनाको पिसीआर परीक्षण सम्पन्न भएको छ ।
थप ४ जनाको कोरोनाका कारण ज्यान गएसँगै हालसम्म कोरोनाका कारण ज्यान गुमाउनेकाे संख्या ९५ पुगेको मन्त्रालयले जनाएको छ ।
The post बिहीबार थप ५२५ जनामा कोरोना संक्रमण, कुल संक्रमितको संख्या २४९५७ appeared first on Sajha Post.