काठमाडौं, २२ असार । नेपालमा पछिल्लो २४ घण्टामा १८० जना कोरोना संक्रमित थपिएका छन् । यो सँगै नेपालमा कुल संक्रमितको संख्या १५ हजार ९६४ पुगेको छ ।
स्वास्थ्य तथा जनसंख्या मन्त्रालयको सोमबार आयोजित नियमित पत्रकार सम्मेलनमा प्रवक्ता डा. जागेश्वर गौतमले दिएको जानकारीका अनुसार पछिल्लो २४ घण्टामा २६४ जना कोरोनामुक्त भएर घर फर्किएका छन् । अहिलेसम्म डिस्चार्ज हुनेको संख्या ६ हजार ८११ पुगेको छ ।
सोमबारसम्म २ लाख ५५ हजार ७२८ पिसिआर परीक्षण सम्पन्न भएको छ भने आरडिटी परीक्षणको संख्या ३ लाख ११ हजार ७२४ छ ।
अहिलेसम्म २९ हजार २१५ जना क्वारेन्टाइनमा रहेका छन् भने ९ हजार ११८ जना आइसोलेसनमा रहेका छन् ।
थप एकजनाको कोरोना संक्रमणका कारण मृत्यु भएसँगै हालसम्म कोरोनाका कारण मृत्यु हुनेको संख्या ३५ पुगेको छ ।
The post सोमबार थपिए १८० संक्रमित, कुल संक्रमितको संख्या १५९६४ appeared first on Sajha Post.