काठमाडौं, १७ असार । नेपालमा पछिल्लो २४ घण्टामा ४८२ जना कोरोना संक्रमित थपिएका छन् । यो सँगै नेपालमा कुल संक्रमितको संख्या १४ हजार ४६ पुगेको छ ।
स्वास्थ्य तथा जनसंख्या मन्त्रालयको बुधबार आयोजित नियमित पत्रकार सम्मेलनमा प्रवक्ता डा. जागेश्वर गौतमले दिएको जानकारीका अनुसार पछिल्लो २४ घण्टामा १४६२ जना कोरोनामुक्त भएर घर फर्किएका छन् । अहिलेसम्म डिस्चार्ज हुनेको संख्या ४ हजार ६५६ पुगेको छ ।
बुधबारसम्म २ लाख ३३ हजार २२७ पिसिआर परीक्षण सम्पन्न भएको छ ।
अहिलेसम्म ४८ हजार ३६२ जना क्वारेन्टाइनमा रहेका छन् भने ९ हजार ३६० जना आइसोलेसनमा रहेका छन् ।
थप एकजना कोरोना संक्रमितको मृत्यु भएसँगै मृत्यु हुनेको संख्या पनि ३० पुगेको उनले जानकारी गराए ।
The post बुधबार थप ४८२ जनामा कोरोना संक्रमण पुष्टि, संक्रमित व्यक्तिको संख्या १४ हजार नाघ्यो appeared first on Sajha Post.